Apr 7, 2011

என் புத்தகங்கள் பற்றிய சர்ச்சைகள்! - 1

என் இரண்டு புத்தகங்களும் உறவினர்கள் மற்றும் என் நெருங்கிய நண்பர்கள் மத்தியில் ஒருவிதமான அதிர்வையும், சலசலப்பையும் ஏற்படுத்தி இருக்கிறது.

முதலில்,

வீணையடி நீ எனக்கு பற்றி:

"சாமான்யனின் கதை" படித்துவிட்டு கூப்பிட்டு பாராட்டிய உறவினர்கள், "வீணையடி நீ எனக்கு" படித்துவிட்டு அடிக்காத குறைதான். என் மேல் அவர்கள் வைத்திருந்த பிம்பம் உடைந்து சுக்கு நூறாகி இருக்கிறது.

பிரச்சனையின் உள்ளே செல்லும் முன் ஒரு சின்ன பிளாஷ்பேக்.

"ழ" பதிப்பகத்தின் ஆசிரியர் குழுவில் இருக்கும் நண்பருக்கும் எனக்கும் நடந்த உரையாடல்:

"தலைவரே, கதைகள் அனைத்தையும் படித்து முடித்துவிட்டேன். எல்லாக்கதைகளுமே நல்லத்தனமாக இருக்கிறது"

"அப்படியானால் விட்டுவிடுவோம் தலைவரே"

"தலைவரே, நான் நல்லத்தனமாக இருக்கிறது என்றுதான் சொன்னேனே தவிர, புத்தகம் வேண்டாம் என்று சொல்லவில்லையே"

புத்தகம் அச்சில் இருக்கும் போது எழுதிய சில கதைகளை அனுப்பி, "இப்போ பாருங்க கெட்ட கதைகள் எழுதி இருக்கிறேன்"

படித்து முடித்துவிட்டு அவர், "தலைவரே, இந்தக்கதையிலும் நீங்கள் நல்லவன்தான். இன்னொரு முறை படித்துப் பாருங்கள். உங்களுக்கே புரியும்"

இன்னொரு முறை படித்துப் பார்த்தேன். அவர் சொன்னது எனக்கும் சரி என்று பட்டது. அடுத்தக் கதைக்கான விமர்சனமும் அப்படித்தான் இருந்தது.

அவருக்காகவே, "நான் கெட்டவன்" என்ற தொடரை எழுதினேன். படித்து முடித்துவிட்டு, "மாறுபட்ட கோணத்தில் இருந்தாலும், இதிலும் நீங்கள் நல்லவரே"

இன்னொருவர் அவரும் ஆசிரியர் குழுவில் உள்ளார். அவரிடம்,

"புத்தகம் வேண்டாம் தலைவரே"

"ஏன்?"

"எல்லாமே ஒருவிதமான நல்லவன் என்கிற போர்வையில் எழுதியதுபோல் இருக்கிறதாம்"

"தலைவரே, ஒன்று புரிந்து கொள்ளுங்கள். நானும் புத்தக கண்காட்சி முழுவதும் தேடிப்பார்த்துவிட்டேன். இந்த பார்மேட்டில் எந்தக் கதைப்புத்தகமும் இல்லை. அதனால் இந்த புத்தகத்தில் மாற்றம் வேண்டாம். பின் வரும் புத்தகங்களில் மாறுபட்ட கதைகளை வெளியிடுவோம்"

இப்போது விசயத்திற்கு வருகிறேன்.

என் கதைகள் மீது என் உறவினர்கள்/ நண்பர்கள் வைக்கும் குற்றச்சாட்டுகள்:

01. பெர்சனல் டைரி போல் உள்ளது.
02. சில கதைகள் யாரிடமும் சொல்லக்கூடாதது.
03. சில கதைகள் ஓக்கே ரகம்.
04. சில கதைகள் ..... உன்னிடமிருந்து இப்படி நான் எதிர்பார்க்கவில்லை.
05. ஸ்பெஷலான நடை என்று எதுவும் இல்லை.
06. அந்த கோகிலா யார்? சுதா, ராகிணி யார்? எந்த வீட்டில் நம் தெருவில் இருந்தார்கள்?
07. கொஞ்சம் கூட கதைக்கான இமேஜினேஷன் இல்லை.
08. சரோஜாதேவி கதைகள் போல் உள்ளது
09. கடையில் எல்லாம் இந்தப் புத்தகத்தை எப்படி வைத்து விற்பார்கள்?

ஒருவருக்கு நல்லத்தனமாக தோன்றிய கதைகள் சிலருக்கு பிடிக்காமல் போனது ஏன்?

கதைகள் எதுவுமே புதிதாக சொல்ல முடியாது. எல்லாக் கதைகளும் சொல்லப்பட்டுவிட்டன. ஆதாம், ஏவால் காலத்திலிருந்தே கதைகள் நம்மிடையே உலவி வருகின்றன. எப்படி "சரிகம பதனி" என்று ஏழு சுவரங்களுக்குள் சங்கீதம் பரவி கிடைக்கிறதோ அப்படித்தான் கதைகளும்.

கதை சொல்வதில் பல வகைகள் உண்டு. அவற்றில் ஒன்றுதான் கதாசிரியரின் பார்வையில் கதைகள் எழுதுவது. அதைப்புரிந்து கொள்ளாமல் எழுதிய அனைத்துமே கதாசிரியரின் வாழ்வில் நடந்தவைகள் என்று எப்படி எடுத்துக்கொள்ள முடியும்?

ஏறக்குறைய சுஜாதா பல கதைகளில் அவர் சொல்வதுபோல் தான் எழுதி இருப்பார். "ஸ்ரீரங்கத்து தேவதைகள்" கதைகளைப் படித்துவிட்டு அவைகள் உண்மைக் கதைகள் என்று நம்பியவர்கள் பலர். ஆனால் அவைகள் உண்மைக்கதைகள் அல்ல. உண்மையும் கற்பனையும் கலந்த கதைகள்.

அந்த பாணி எனக்குப் பிடித்திருந்ததால் நானும் அதை பின்பற்ற ஆரம்பித்தேன். உறவினர்கள் அனைவரும் அந்தக் கதைகளில் வரும் ரவி கேரக்டர் நான்தான் என்று உறுதியாக நம்புவதாக தெரிகிறது. நம்மால் புதிதாக எதையும் எழுத முடியாது. ஏதாவது வாழ்க்கையில் நடந்த ஒரு சம்பவத்தை ஆதாரமாக வைத்துக்கொண்டு அதில் கொஞ்சம் கற்பனையையும் கலந்து, சுவராஸ்யமாகத்தான் தர முடியும். அதைத்தான் நானும் செய்திருக்கிறேன்.

இது புரியாமல், "ரவி எப்படி இப்படி எழுதலாம்? என்று எப்படி நினைக்கலாம்?"

இவன் என் அண்ணன், என் உறவினன், என் மகன் என்று ஏன் பார்க்க வேண்டும்? ஏன் என்னை ஒரு எழுத்தாளராக பார்க்கக்கூடாது?

"சுஜாதாவோ அல்லது மற்ற எழுத்தாளர்களோ எழுதாத எந்த வசனத்தை, வர்ணனனையை நான் அப்படி எழுதிவிட்டேன்?"

வாழ்க்கையில் பல மனிதர்களை சந்தித்துவிட்டேன். நிறைய நாட்டினரை சந்தித்துவிட்டேன். பலவிதமான அனுபவங்களை சேகரித்து வைத்திருக்கிறேன்.

இருந்தாலும், நான் என் வாழ்க்கையை எப்படி வாழ்கிறேன் என்றுதான் பார்க்க வேண்டுமே ஒழிய என் எழுத்தை வைத்து என்னை எடை போடலாமா?

நான் செய்த ஒரே தவறு உறவினர்களுக்கும் நெருங்கிய நண்பர்களுக்கும் என் புத்தகத்தை படிக்க கொடுத்ததுதான்.

இந்த பிரச்சனைகளுக்கு முற்றிப் புள்ளி எப்படி வைப்பது?

ஒன்று எல்லாப் புத்தகங்களை திரும்ப பெற வேண்டும் இல்லை என்றால் மிகச் சிறந்த கதைகள் (மிகச் சிறந்த கதைகள் என்றால்....?) அடங்கிய இன்னும் ஒரு தொகுப்பை வெளியிட வேண்டும்.

என்ன செய்வது?

உங்கள் விமர்சனங்களை எதிர்பார்க்கிறேன்.

"சாமன்யனின் கதை" பற்றிய சர்ச்சை.. நாளை...

5 comments:

கே.ஆர்.பி.செந்தில் said...

தலைவரே! என்னுடைய ‘பணம்’ புத்தகம் படித்துவிட்டு நெருங்கிய நண்பர்கள் அது உன்னுடைய கதையா? என்று கேட்கிறார்கள்.. ஒரே நேரத்தில் எப்படி அத்தனை தேசங்களிலும் நான் இருந்திருக்கமுடியும் என்கிற சிம்பில் லாஜிக் அவர்களிடம் இல்லை.

அப்புறம் யோசித்து பார்த்ததில் நெருங்கிய நண்பர்கள், உறவினர்கள் நம்மை மிக நெருக்கமாக பார்த்ததால் வரும் உணர்வு இது. இதுவும் நமக்கு கிடைத்த வெற்றியே!!!

என். உலகநாதன் said...

//கே.ஆர்.பி.செந்தில் said...
தலைவரே! என்னுடைய ‘பணம்’ புத்தகம் படித்துவிட்டு நெருங்கிய நண்பர்கள் அது உன்னுடைய கதையா? என்று கேட்கிறார்கள்.. ஒரே நேரத்தில் எப்படி அத்தனை தேசங்களிலும் நான் இருந்திருக்கமுடியும் என்கிற சிம்பில் லாஜிக் அவர்களிடம் இல்லை.

அப்புறம் யோசித்து பார்த்ததில் நெருங்கிய நண்பர்கள், உறவினர்கள் நம்மை மிக நெருக்கமாக பார்த்ததால் வரும் உணர்வு இது. இதுவும் நமக்கு கிடைத்த வெற்றியே!!!//

வருகைக்கிற்கும், உங்கள் கருத்திற்கும் நன்றி தலைவரே.

DISCOVERY BOOK PALACE said...

உங்கள் பிரச்சினையை புரிந்துகொள்ள முடிகிறது. வேறு வழியில்லை. உங்களுக்கு எழுத்தாளன் என்ற அங்கீகாரம் வேண்டுமாயின் இதுபோன்ற கருத்துக்களை இந்த காதில் வாங்கி அந்தக் காதில் விடக்கூடாது. அந்தக் காதிலும் வாங்கிக் கொள்ளவேண்டும். அடுத்தக் கதைக்கு கருகிடைத்த கிறக்கத்தில் சந்தோஷம் பொங்கி வழியவேண்டும். சுஜாதாவுக்கு இந்த பிரச்சினை இருக்காது என்று நீங்கள் நம்பினால் தவறு. நீங்கள் எழுத்தாளனாக வெற்றிபெற்றுள்ளீர். அதை தொடர்ந்து வளர்த்தெடுத்தால் பலபேர் உங்கள் கதைக்குள் தானகவந்து தங்கள் முகத்தை தினித்துக்கொள்வார்கள்.

என். உலகநாதன் said...

//DISCOVERY BOOK PALACE said...
உங்கள் பிரச்சினையை புரிந்துகொள்ள முடிகிறது. வேறு வழியில்லை. உங்களுக்கு எழுத்தாளன் என்ற அங்கீகாரம் வேண்டுமாயின் இதுபோன்ற கருத்துக்களை இந்த காதில் வாங்கி அந்தக் காதில் விடக்கூடாது. அந்தக் காதிலும் வாங்கிக் கொள்ளவேண்டும். அடுத்தக் கதைக்கு கருகிடைத்த கிறக்கத்தில் சந்தோஷம் பொங்கி வழியவேண்டும். சுஜாதாவுக்கு இந்த பிரச்சினை இருக்காது என்று நீங்கள் நம்பினால் தவறு. நீங்கள் எழுத்தாளனாக வெற்றிபெற்றுள்ளீர். அதை தொடர்ந்து வளர்த்தெடுத்தால் பலபேர் உங்கள் கதைக்குள் தானகவந்து தங்கள் முகத்தை தினித்துக்கொள்வார்கள்.//

வருகைக்கிற்கும், தங்களின் விரிவான பின்னூட்டத்திற்கும் நன்றி சார்.

A Simple Man said...

just started reading the veenai book..
on randam reading of few stories I thought one of them should not have been included in this (or any) book.. rest all ok..
will complete the book and come again.