Dec 8, 2010

சில Follow Up செய்திகள்!

நான் போன இடுகையில் "கார் வைத்திருப்பவர்கள் கவனத்திற்கு" என்று சில விசயங்களை எழுதியிருந்தேன். அதைப் படித்தவுடன் எங்கள் சிங்கப்பூர் கம்பனியின் இயக்குநர் என்னை தொலை பேசியில் அழைத்தார்.

"என்ன உலக்ஸ், நல்லாதான் எழுதி இருக்க. ஆனா, அந்த மாதிரி ஆக்ஸிடண்ட் எல்லாம் ஆகாமல் இருக்க என்ன வழின்னு சொன்னியா?"

"அதான் கவனமா ஓட்டணும்னு சொல்லி இருக்கேனே சார்"

"கவனமா பார்த்து ஓட்டுங்கனு பொதுவா சொன்னா போதுமா?"

"வேற என்ன சொல்லனும்?"

"நிறைய"

அவர் சொன்னதற்கு இணங்க எனக்கு தெரிந்த சில விசயங்களை உங்களுடன் பகிர்ந்து கொள்கிறேன்:

01. காரை எப்போது எங்கு நிறுத்தினாலும் ஹேண்ட் ப்ரேக் போட்டுத்தான் நிறுத்த வேண்டும். அப்போதுதான் நாம் வண்டியை எடுக்கும்போது ஏதேனும் கவனக்குறைவால் மிக சிறிய தவறுகள் ஏற்பட்டால் கூட, ஹேண்ட் ப்ரேக் ரிலிஸாகாமல் இருப்பதால், உடனே சரி செய்து கொள்ள முடியும்.

02. அடிக்கடி வண்டியை சர்வீஸ் செய்து நல்ல கண்டிஷனில் வைத்துக்கொள்ள வேண்டும்.

03. கோபமாக இருக்கும் எந்த தருணத்திலும் கார் ஓட்டக்கூடாது.

04. சிகனல்களை மதிக்க கற்றுக்கொள்ள வேண்டும்.

05. கார் ஒட்டும் போது எக்காரணத்தைக் கொண்டும் கைதொலை பேசி உபயோகிக்க கூடாது. அப்படி ஏதேனும் தலை போகும் அவசரமான அழைப்பு வந்தால், காரை ஒரு ஓரமாக நிறுத்திவிட்டு, போன் பேசி முடித்துவிட்டு, பின்பு காரை ஓட்ட வேண்டும்.

06. சாலையில் செல்லும் போது நம் கண்ணில் எப்போதும் முன்னால் போகும் காரின் பின் டயர் தெரிய வேண்டும். அந்த அளவு தூரத்தில்தான் நம் கார் செல்ல வேண்டும். அப்போதுதான் 'சடன் பிரேக்' போட்டாலும், உடனே நம்மால் சுதாரித்துக்கொள்ள முடியும்.

07. இரவு பயணத்தை தவிர்ப்பது நல்லது.

08. ஹை வேயில் போகும் போது, என்ன ஸ்பீட் லிமிட்டோ அதை விட அதிகமாக போவதை தவிர்க்க வேண்டும்.

09. நெடும் பயணத்தின் போது அசதியினால் தூக்கம் வரும்போல் இருந்தால், எங்காவது நிறுத்தி, சிறிது நேரம் ஓய்வு எடுத்து விட்டு மீண்டும் காரை ஓட்டுவது நல்லது.

10. உடன் பயணிப்பவருடன் பேச நேர்ந்தால், நாம் பேசிக்கொண்டு இருந்தாலும் நம் கண்கள் எப்போதும் சாலையிலேயே இருக்க வேண்டும். திரும்பி திரும்பி பேசுதல் கூடாது.

******************************************************

போன மாதம் ஒரு இடுகையில் "நானும் சிக்ஸ் பேக்ஸ் ABSம்" என்று எழுதி இருந்தேன். நான் பல வருடங்களாக ஜிம்மும், யோகாவும், நடைப் பயிற்சியும் செய்து வந்தாலும் வயிறு மட்டும் குறையாமலே இருந்து வந்தது. 60 நாட்களுக்கு முன்பு என் வயிற்றின் அளவின் விபரம்:

மேல் வயிறு: 34 இன்ச்

நடு வயிறு: 35.5 இன்ச்

கீழ் வயிறு (பேண்ட் போடும் இடம்) : 34 இன்ச்

நான் எழுதியிருந்தவைகளை உண்மையாக கடைப்பிடிக்க ஆரம்பித்த உடன், குறிப்பாக உணவு பழக்கத்தை மாற்றிய உடன், என் வயிற்றின் அளவில் மிகப்பெரிய முன்னேற்றம் ஏற்பட்டுள்ளது.

நேற்று நான் ஜிம்மில் சரி பார்க்கையில் என் வயிற்றின் அளவுகள் முறையே:

மேல் வயிறு: 33 இன்ச்

நடு வயிறு: 34 இன்ச்

கீழ் வயிறு (பேண்ட் போடும் இடம்) : 33 இன்ச்

கட்டுரையின் முடிவில் நான் விளையாட்டாக இப்படி சொல்லியிருந்தாலும்,

"சிக்ஸ் பேக் வந்தவுடன் இப்போ இருக்கும் அனைத்து பேண்ட்களையும் என்ன செய்வது என்று தெரியவில்லை"

இப்போது உண்மையிலேயே பேண்ட்டுகளை என்ன செயவதென்று தெரியவில்லை. எல்லாமே லூஸாக மாறிவிட்டது.

சிக்ஸ் பேக் பெற முடியாவிட்டாலும், வயிற்றை நார்மலாக ஆக்க முடியும் என்ற நம்பிக்கை வந்துவிட்டது.

இந்த உடனடி மாற்றத்திற்கான முக்கியமான காரணமாக நான் நினைப்பது இரவில், இட்லி, தோசை, சாதம் போன்ற கார்போ ஹைட்ரேட் உணவுகளை தவிர்த்து, வெறும் இரண்டு சப்பாத்தியும் காய்கறிகளும், பழங்களும் சாப்பிடுவதுதான்.

நானும் முன்பு வயிற்றை குறைப்பது கஷ்டம் என்றுதான் நினைத்து வந்தேன். இப்போது அது ஒரு கஷ்டம் அல்ல என்பதை புரிந்து கொண்டேன். ஆரம்பத்தில் சப்பாத்திக்கு மாறும்போது ஒரு சில நாட்கள் அசதியாக இருந்தது. இப்போது பழகிவிட்டது, இப்போது வயிறு லேசாக உள்ளது. மனதில் ஒரு சந்தோசம் ஏற்பட்டுள்ளது.

நீங்களும் முயற்சிக்கலாமே!

******************************************************

தோழர் அதிபிரதாபன் வழிக்காட்டுதலினால் புது டெம்ப்ளேட் மாற்றியுள்ளேன். எப்படி இருக்கிறது என்று சொல்லவும்.

******************************************************

7 comments:

அமுதா கிருஷ்ணா said...

புதியதாய் கார் ஓட்டும் என் மகனிடம் சொல்லிவிட்டேன் இந்த் செய்திகளை.நன்றி சார்..

மோகன் குமார் said...

All the ten points are useful. New template is good. Athi prathaapan only helped for my template also.

மதன் said...

useful post..

என். உலகநாதன் said...

//புதியதாய் கார் ஓட்டும் என் மகனிடம் சொல்லிவிட்டேன் இந்த் செய்திகளை.நன்றி சார்..//

வருகைக்கு நன்றி அமுதா மேடம்.

என். உலகநாதன் said...

//All the ten points are useful. New template is good. Athi prathaapan only helped for my template also.//

நன்றி மோகன்குமார்.

என். உலகநாதன் said...

//useful post..//

நன்றி மதன்.

பெஸ்கி / Beschi said...

டெம்ப்லேட் தேர்வு அருமை. இன்னும் கொஞ்சம் முயற்சி செய்யுங்கள் இன்னும் அருமையாகக் கொண்டு வரலாம்.

நன்றி.